Սահմանային ոստիկանության աշխատակիցները Բաթումիի սահմանային հատվածում ձերբակալել են օտարերկրյա երկու քաղաքացու
Վրաստանի Ներքին գործերի նախարարության սահմանապահ ոստիկանության աշխատակիցները Բաթումիի վարչության Գորգաձեթիի սահմանապահ հատվածում ձերբակալել են օտարերկրյա երկու քաղաքացիների՝ 1991 թվականին ծնված Ն.Ա.-ին և 1970 թվականին ծնված Ֆ.Ի.-ին՝ Վրաստանի պետական սահմանը խմբակային եղանակով ապօրինի հատելու փորձի փաստով։ Այս մասին տեղեկացնում է Սահմանապահ ոստիկանությունը։
«Նախաքննությամբ պարզվել է, որ մեղադրյալները փորձել են խուսափել սահմանային-վերահսկող անցակետի միջոցով սահմանը հատելուց և ապօրինի կերպով, խմբով փորձել են հատել Վրաստանի պետական սահմանը՝ Վրաստանից դեպի Թուրքիայի Հանրապետություն», – նշված է հայտարարությունում։
Սահմանապահ ոստիկանության տվյալներով՝ քննչական գործողությունները տարվում են Վրաստանի Քրեական օրենսգրքի 19-344-րդ հոդվածի երկրորդ մասի «ա» կետով, ինչը նախատեսում է մինչև 5 տարի ազատազրկում։