Սաակաշվիլին կողմնակիցներին կոչ է անում մասնակցել դեկտեմբերի 10-ի ցույցին
11:26, 09.12.2017
Օդեսայի նախկին նահանգապետ Միխեիլ Սաակաշվիլին ուկրաինացիներին կոչ է անում, դեկտեմբերի 10-ին, միանալ երթին և պահանջել նախագահի հրաժարականը,- այս մասին Ուկրաինայի անվտանգության ծառայության մեկուսարանի մոտ հավաքվածներին հայտնել Սաակաշվիլու փաստաբան Ռուսլան Չոռնոլուցկին: Փաստաբանը նրանց կարդաց Սաակաշվիլու կոչը:
«Ձերբակալված եմ շինծու մեղադրանքներով: Դրանով ցանկանում են ձեզ վախեցնել: Ոչ մի բանից չվախենաք և դուրս եկեք բողոքի ցույցի, միասին պաշտպանենք Ուկրաինան կուռուպցիայից:
Մեր հաղթանակը այլընտրանք չունի: Պինդ կացեք»,- նշված է Սաակաշվիլու հայտարարությունում:
