Ռուսաստանի օկուպացիոն ուժերը երեք բնակավայր են գրավել Ուկրաինայի Խարկովի և Դոնեցկի մարզերում
Ռուսական օկուպացիոն ուժերը երեք բնակավայր են գրավել Ուկրաինայի, Խարկովի և Դոնեցկի մարզերում։
Ուկրաինական լրատվամիջոցը, հիմնվելով «Deep State» վերլուծական նախագծի վրա, գրում է, որ ռուս զինվորականները օկուպացրել են Լոզովիան, Իվանովկան և Շևչենկոն։
77-րդ բրիգադի զինծառայող Վիկտոր Պետրովիչը հայտնել է, որ ռուսական օկուպացիոն ուժերը ուժեր են հավաքում և փորձում վերականգնել տեխնիկան Խարկովի մարզում։
«Deep State»-ի տվյալներով՝ ռուսական բանակը փորձում է առաջխաղացում կատարել Իզյումի շրջանի Նովայա Կրուգլյակովկայում։
Միաժամանակ ուկրաինական լրատվամիջոցները հայտնում են, որ Դոնեցկի մարզի Տորեցկի ուղղությամբ շարունակվում են ծանր մարտերը։
Քաղաքի հյուսիս-արևմտյան և հյուսիսային արվարձաններում կարելի է տեսնել ռուսական օկուպացիոն զորքերի հետևակը։