Ռուսաստանի հարձակման պատճառով Ուկրաինայի յոթ շրջաններ մնացել են առանց էլեկտրաէներգիայի
Ռուսաստանի հարձակման պատճառով Ուկրաինայի յոթ շրջաններ մնացել են առանց էլեկտրաէներգիայի։
Էներգետիկայի փոխնախարար Ալեքսանդր Վյազովչենկոն ճեպազրույցի ժամանակ հայտարարել է, որ Կիևի, Օդեսայի, Խարկովի, Դնեպրոպետրովսկի, Դոնեցկի, Չեռնիգովի և Զապորոժիեի շրջանների բնակիչները զրկված են էլեկտրաէներգիայից։
Վյազովչենկոյի խոսքով՝ արտակարգ վերականգնողական աշխատանքները շարունակվում են այնտեղ, որտեղ անվտանգության իրավիճակը թույլ է տալիս։
«Ներկայումս Ուկրաինայի բոլոր շրջաններում գործում է ժամային էլեկտրաէներգիայի անջատման գրաֆիկ։ Կիևում և Կիևի մարզում արտակարգ էլեկտրաէներգիայի անջատումներ են։ Դրանց տևողության վրա կարող է ազդել ջերմաստիճանի զգալի անկումը», – ընդգծել է Վյազովչենկոն։
Փոխնախարարը հավելել է, որ ռմբակոծության հետևանքով էլեկտրաէներգետիկ ցանցում ստեղծված բարդ իրավիճակի պատճառով Կիևի և Կիևի մարզերի, Օդեսայի մարզի և Դնեպրի բաշխիչ համակարգերի օպերատորները ստիպված են կիրառել ցանցային սահմանափակումներ։