Եվրամիության բարձրագույն ներկայացուցչի Մոսկվա կատարած այցի ընթացքում, մենք ևս մեկ անգամ տեսանք, որ Ռուսաստանը չի փոխվում, չի փոխում իր ապակառուցողական և ագրեսիվ քաղաքականությունը, – այս մասին հայտարարել է Վրաստանի խորհրդարանի, պաշտպանության և անվտանգության հանձնաժողովի նախագահ, Իրակլի Բերաիան:

Նրա խոսքով, միջազգային հանրությունը պետք է ավելի սկզբունքային լինի Ռուսաստանի հետ հարաբերություններում:

«Եվս մեկ անգամ երևաց, որ միջազգային հանրությունը պետք է էլ ավելի սկզբունքային լինի Ռուսաստանի հետ հարաբերություններում: Ճնշումը պետք է լինի առավելագույն, համընդհանուր, քանի որ Ռուսաստանը սպառնում է միջազգային կարգին հիմնված ամբողջ կանոններին: Դա խարխլում է պետությունների ինքնիշխանությունն ու տարածքային ամբողջականությունը, և Ռուսաստանը պետք է դրա համար առավելագույն պատասխանատվություն կրի», – հայտարարել է Իրակլի Բերաիան:

Եվրամիության արտաքին գործողությունների ծառայության ղեկավար, Ժոզեֆ Բորելը Ռուսաստանի մայրաքաղաքից վերադառնալուց հետո իր միկրոբլոգում գրառման մեջ նշել է, որ Վրաստանի տարածքային ամբողջականության հարգումը, այն հարցերից մեկն էր, որի մասին խոսել են հիմնախնդրային հարևանության մասին խոսելիս: