Հունգարիայի արտաքին գործերի նախարար Պիտեր Սիյարտոն հայտարարել է, որ Ռուսաստանից Հունգարիա նավթի փոխադրումը կասեցվել է Ուկրաինայի կողմից նավթատարի վրա հարձակման հետևանքով։

«Ուկրաինան կրկին հարձակվել է Հունգարիա գնացող նավթատարի վրա՝ այդպիսով խափանելով նավթի մատակարարումը», – սոցիալական ցանցերում գրել է Հունգարիայի արտաքին գործերի նախարար Պիտեր Սիյարտոն։

Նա չի նշել, թե երբ է տեղի ունեցել հարձակումը կամ որ խողովակաշարի մասին է խոսքը։

Բացի այդ, Սիյարտոյի հայտարարության մեջ նշվում է, որ Ռուսաստանի էներգետիկայի փոխնախարար Պավել Սորոկինը նրան տեղեկացրել է, որ մասնագետները աշխատում են նավթի մատակարարումը վերականգնելու ուղղությամբ խողովակաշարով։

«3.5 տարի շարունակ Բրյուսելն ու Կիևը փորձում էին Հունգարիային ներքաշել Ուկրաինայի պատերազմի մեջ։ Մեր էներգամատակարարման վրա այս ուկրաինական հարձակումները ծառայում են նույն նպատակին։ Ես ուզում եմ հստակ ասել. սա մեր պատերազմը չէ։ Մենք դրա հետ կապ չունենք, և քանի դեռ մենք իշխանության գլուխ ենք, Հունգարիան դուրս կմնա այս պատերազմից։ Վերջապես, հիշեցում Ուկրաինայի որոշում կայացնողներին. Հունգարիայից մատակարարվող էլեկտրաէներգիան կարևոր դեր է խաղում ձեր երկրի էներգետիկ համակարգում», – գրել է Պիտեր Սիյարտոն։

Տեղեկության համար, «Դրուժբա» նավթատարը ժամանակավորապես դադարեցվել է օգոստոսի 12-13-ին Ռուսաստանի Բրյանսկի մարզում գտնվող նավթային տերմինալի վրա ուկրաինական ուժերի հարձակումից հետո։