«Փառք ազգին, մահ թշնամուն». Ռուսթավելիի պողոտայի մոտակայքում «Վրաստանի ազգային միությունը» անց է կացնում հակաակցիա (տեսանյութ, ֆոտոշարք)
17:53, 13.05.2018
Ազգային սոցիալիստական շարժում «Վրաստանի ազգային միությունը» ծրագրում էր մոտենալ խորհրդարանի շենքին:
Ինչպես փոխանցում է առաջին ալիքի լրագրողը, ակցիայի մասնակիցները այս պահին գտնվում են Գիա Ճանտուրիայի փողոցում:
«Փառք ազգին, մահ թշնամուն»,-նշված կարգախոսով նրանք ծրագրում էին հակացույց անց կացնել Ռուսթավելիի պողոտայում, սակայն ոստիկանները փակել են փողոցը և նրանց չի հաջողվում շարժվել առաջ:
Նրանց խոսքերով, ցուցարարները չեն պատրաստվում լարվածություն ստեղծել:
«Ցանկանում ենք մեր ուժը ցուցադրել բոլորին: Թող բոլոր երիտասարդների անունից չխոսեն»,-ասում են ակցիայի մասնակիցները:
Դրա հետ մեկտեղ խորհրդարանի տարածքում մոբիլիզացված է հատուկ նշանակության ջոկատը:
