Պետդեպարտամենտի զեկույց. Վրաստանում նախորդ կառավարության օրոք եղել են գույքի փոխանցման դեպքեր, որոնք եղել են ոչ թափանցիկ և, հավանաբար, կատարվել են հարկադրանքով
Վրաստանում նախորդ իշխանության օրոք եղել են գույքի փոխանցման դեպքեր, որոնք եղել են ոչ թափանցիկ և, հավանաբար, կատարվել են հարկադրանքով,- նշված է ներդրումային միջավայրի վերաբերյալ ԱՄՆ Պետդեպարտամենտի 2022 թվականի զեկույցում, որտեղ խոսվում է նաև Վրաստանի մասին։
«Վրաստանում օտարման մասին վեճերը սովորական չեն, թեև նախկին իշխանության օրոք եղել են գույքի փոխանցման դեպքեր, որոնք թափանցիկ չեն եղել և, հավանաբար, կատարվել են հարկադրանքով», – նշվում է զեկույցում։
Բացի այդ, ինչպես նշվում է զեկույցում, Վրաստանում բիզնեսի և ներդրումային պայմանները լավ են։
«Ընդհանուր առմամբ Վրաստանում բիզնեսի և ներդրումային պայմանները լավ են, և Վրաստանն առանձնանում է տարածաշրջանի երկրների շարքում։ Այնուամենայնիվ, աճում է անվստահությունը դատական սեկտորի՝ առևտրային վեճերը ինքնուրույն կամ ժամանակին, իրավասու կերպով լուծելու ունակության նկատմամբ, քանի որ որոշ բիզնես վեճեր դատական համակարգում երկար տարիներ են տևում:
Այլ ընկերություններ մատնանշում են քաղաքապետարանի մակարդակով որոշումների կայացման անարդյունավետ գործընթացը, ինչպես նաև մտավոր սեփականության մասին օրենսդրության կիրարկման դժվարությունները, անարդյունավետ հակամենաշնորհային քաղաքականության մասին: Վրաստանի կառավարությունը շարունակում է աշխատել այս խնդիրների լուծման ուղղությամբ, և չնայած այս մարտահրավերներին, Վրաստանը տարածաշրջանում բարձր տեղ է զբաղեցնում՝ որպես բիզնես վարելու լավ վայր», – նշվում է զեկույցում։