Պատմության մեջ առաջին անգամ Կուբայում ջերմաստիճանը իջել է մինչև զրո աստիճան։

Կուբայի Ազգային օդերևութաբանական ինստիտուտի տվյալներով՝ ջերմաստիճանի ռեկորդային անկում է գրանցվել երկրի արևմտյան մասում։

«Առավոտյան ժամը 04:00-ին Մատանզաս նահանգի Ինդիո Հատուեյ օդերևութաբանական կայանը ցույց է տվել 0.1 աստիճան նվազագույն ջերմաստիճան։ Ջերմաստիճանը շարունակել է իջնել, և առավոտյան ժամը 07:00-ին գրանցվել է 0 աստիճան։ Սա ազգային ռեկորդ է նվազագույն ջերմաստիճանի համար։ Նախորդ ռեկորդային 0.6 աստիճան ջերմաստիճանը գրանցվել է Բայնոա կայանում 1996 թվականի փետրվարի 18-ին», – ասվում է Կուբայի Ազգային օդերևութաբանական ինստիտուտի հայտարարության մեջ։

Օդերևութաբանները բացատրել են, որ Կուբան գտնվում է արկտիկական ծագում ունեցող շատ ցուրտ և չոր օդային զանգվածի ազդեցության տակ։