Վրաստանի պետական ​​անվտանգության ծառայությունը հայտնել է, որ ռուսական օկուպացիոն ուժերի կողմից անօրինական կերպով ձերբակալված Գիորգի Մոսիաշվիլին ազատության մեջ է և գտնվում է կենտրոնական իշխանությունների կողմից վերահսկվող տարածքում:

«Գիորգի Մոսիաշվիլիին անօրինական կալանքից ազատելու գործընթացում ակտիվորեն օգտագործվել են ինչպես Վրաստանում Եվրոպական Միության մոնիթորինգային առաքելության (EUMM) անմիջական մասնակցությամբ գործող «թեժ գծի» մեխանիզմը, այնպես էլ կենտրոնական իշխանությունների տրամադրության տակ գտնվող բոլոր համապատասխան գործիքները:

Հարցը քննարկվել է ինչպես միջադեպերի կանխարգելման և դրանց վրա արձագանքման մեխանիզմի ձևաչափով անցկացված հանդիպումներում, այնպես էլ Ժնևում կայացած միջազգային քննարկումներում։

Կենտրոնական իշխանությունները, միջազգային գործընկերների հետ համատեղ, շարունակում է ակտիվորեն աշխատել օկուպացված տարածքներում անօրինական կերպով ձերբակալված բոլոր Վրաստանի քաղաքացիների ազատ արձակման ուղղությամբ։

«Ռուսաստանի օկուպացիոն ուժերը պատասխանատվություն են կրում Վրաստանի օկուպացված շրջաններում և օկուպացիոն գծի երկայնքով իրականացված բոլոր ապակառուցողական գործողությունների համար», – ասվում է ՊԱԾ-ի հայտարարության մեջ։