Պաշտպանության ոստիկանության վարչությունում հայտարարում են, որ 58 հազար լարի արժեքի կահույք գնելու մասին տեղեկությունը չի համապատասխանում իրականությանը
Ներքին գործերի նախարարության, պաշտպանության ոստիկանության վարչությունում հայտարարում են, որ այն տեղեկությունը, իբր վարչությունը ղեկավարության համար գնել է 58 հազար լարի արժեք ունեցող կահույք, չի համապատասխանում իրականությանը:
«Մենք ցանկանում ենք արձագանքել լրատվամիջոցներից մեկի կողմից տարածած տեղեկատվությանը, իբր պաշտպանության ոստիկանության վարչությունը ձեռք է բերել 58 հազար լարի արժեք ունեցող կահույք, որը նախատեսված է ղեկավարության համար: Նշված տեղեկությունը կեղծ է, պաշտպանության ոստիկանության վարչությունում նման գնում չի կատարվել:
Ինչ վերաբերում է վեց ավտոմեքենայի գնմանը, ապա այդ մեքենաները նախատեսված են պաշտպանության ոստիկանության տեխնիկական խմբերի համար»,- ասված է պաշտպանության ոստիկանության վարչության հայտարարության մեջ: