Պաշտպանության նախարարությունը հարյուրավոր մահճակալներ է հանձնել առողջապահության նախարարությանը, որոնք տեղադրվել են Դիղոմիում և Սամգորիում, ասվում է պաշտպանության նախարարության հաղորդագրության մեջ:

Նրանց խոսքով, պաշտպանության նախարարությունը նաև պատրաստակամություն է հայտնում, անհրաժեշտության դեպքում, ամեն ամիս մինչև հազար լրացուցիչ մահճակալ պատրաստել «Դելտա» բազայում և դրանք փոխանցել առողջապահության նախարարությանը:

«Վրաստանի վարչապետ Իրակլի Ղարիբաշվիլիի հրամանով, նոր կորոնավիրուսի դեմ պայքարի նպատակով Վրաստանի պաշտպանության ուժերն արդեն ներգրավվել են պատվաստման գործընթացի արդյունավետ իրականացման մեջ: Վարչապետի որոշումը կյանքի կոչելու համար պաշտպանության նախարարությունն արդեն որոշակի միջոցներ է հատկացրել՝ համավարակի դեմ պայքարի գործընթացին աջակցելու համար:

Այս փուլում առողջապահության և սոցիալական հարցերի նախարարությունը պաշտպանության նախարարությունից ստացել է հարյուրավոր մահճակալներ, որոնք տեղակայված են երկու վայրերում՝ Դիղոմիում և Սամգորիում:

Պաշտպանության նախարարությունը պատրաստակամություն է հայտնում անհրաժեշտության դեպքում «Դելտայի» հիման վրա ամեն ամիս պատրաստել մինչև հազար լրացուցիչ մահճակալ և դրանք փոխանցել առողջապահության նախարարությանը:

Բացի այդ, պաշտպանության նախարարությունը ստեղծել է շարժական ռազմաբժշկական խմբեր, որոնք անհրաժեշտության դեպքում կներգրավվեն գործընթացին: Այս խմբերը, տեղական քաղաքապետարանների հետ համակարգմամբ, պատվաստման գործընթացը հասանելի կդարձնեն այն քաղաքացիներին, ովքեր ի վիճակի չեն օգտվել առկա պատվաստումների վայրերից», – ասվում է պաշտպանության նախարարության հաղորդագրության մեջ: