Շրջակա միջավայրի պահպանության և գյուղատնտեսության նախարարությունը առաջին իսկ օրվանից ակտիվորեն ներգրավված է սոցիալապես անապահով անձանց զբաղվածության ծրագրում,- այս մասին հայտարարել է Շրջակա միջավայրի պահպանության և գյուղատնտեսության նախարար Օթար Շամուգիան լրագրողների հետ հանդիպման ժամանակ։

«Զբաղվածության ծրագրում ընտրվել է մոտավորապես չորս հազար հաստիք։ Համապատասխան շտաբի գործունեության մեջ ունենք աշխատողներ ինչպես անտառտնտեսության, այնպես էլ պահպանվող տարածքների գործակալություններում, ինչպես նաև ասիական փարոսանայի դեմ պայքարի միջոցառումներում։ Մենք այսօր էլ բաց ենք շահագրգիռ մարդկանց ներգրավելու և նրանց աշխատանքի հնարավորություն տալու համար: Ասեմ, որ ունենք դեպքեր, երբ զբաղվածության ծրագրի շրջանակներում մեր ընդունած մարդիկ հետագայում բավականին բարձր որակավորում են ցուցաբերել, և նրանցից ոմանք այսօր արդեն հիմնական կազմում են։ Մեր նպատակն է, որ այդ մարդիկ ստանան ավելի շատ փորձ, ավելի շատ գիտելիքներ, և հետագայում ընդունվեն ավելի բարձր վարձատրվող աշխատատեղերում»,- ասել է Օթար Շամուգիան։