«Օսկարի» և «Ոսկե գլոբուսի» Վրաստանից կուղարկվի Լևան Կողուաշվիլիի «Չորրորդ Բրայթոն» ֆիլմը, որի համապրոդյուսերը Վրաստանի առաջին ալիքն է: «Օսկար»-ին ֆիլմը կառաջադրվի միջազգային գեղարվեստական ​​ֆիլմի անվանակարգում:

Այս տարի, Վրաստանից «Օսկարի» թեկնածության համար պայքարում էր երեք նկար, դրանք էին. «Ի՞նչ ենք տեսնում, երբ նայում ենք երկնքին» – ռեժիսոր Ալեքսանդրե Կոբերիձե, «Անձ #2» – ռեժիսոր ՝ Նինո Բասիլիա, «Չորրորդ Բրայթոն» – ռեժիսոր ՝ Լևան Կողուաշվիլի:

Վրաստանի թեկնածուն ընտրվել է հատուկ հանձնաժողովի կողմից ՝ գաղտնի քվեարկության հիման վրա: Հանձնաժողովի կազմում էին ՝ Մերաբ Նինիձեն, Նանա Ջորջաձեն, Նանա Էքվթիմիշվիլին, Դեա Կուլումբեգաշվիլին, Կոնստանտինե Չլաիձեն, Գիորգի Օվաշվիլին, Ռատի Օնելին, Լևան Կիտիան, Վլադիմեր Կաճարավան, Ալեքսանդր Գաբելիան, Գիգիշա Աբաշիձեն, Իա Սուխիտաշվիլին, Իրակլի Սոլոմոնաշվիլին, Մարյամ Ճաճիան և Թամթա Գաբրիչիձեն:

«Օսկարին» Ամերիկայի կինոարտադրության 2022 թվականի միջազգային լիամետրաժ ֆիլմի անվանակարգի համար, Վրաստանի թեկնածու ֆիլմի ընտրությունը, ազգային կինոկենտրոնը սկսել է սեպտեմբերի 1-ին:

«Օսկար» ուղարկվելիք «Չորրորդ Բրայթոն» ֆիլմը ստեղծված է չորս երկրների հետ համագործակցությամբ, իսկ համապրոդյուսերը Վրաստանի առաջին ալիքն է: Գործադիր պրոդյուսերներն են Արմեն Զուլոյանը, Թինաթին Բերձենիշվիլին և Ռուսուդան Մանջգալաձեն: «Չորրորդ Բրայթոն» ֆիլմի հիմնական մասը նկարահանվել է Նյու Յորքում ՝ Ազգային կինոկենտրոնի աջակցությամբ և համաֆինանսավորվում է «Քարթու» բարեգործական հիմնադրամի կողմից:

«Չորս Բրայթոն» ֆիլմը պատմում է մի հուզիչ պատմություն վրացի ըմբիշի ՝ Կախիի մասին, որը ժամանում է Բրուքլին ՝ օգնելու որդուն մարել խաղային պարտքը:

Ֆիլմում Կախիի դերը կատարում է վրացի լեգենդար ըմբիշ, աշխարհի հնգակի չեմպիոն և օլիմպիական խաղերի կրկնակի չեմպիոն Լևան Թեդիաշվիլին: Գլխավոր դերերից մեկում է նաև վրացի լեգենդար դերասան Կախի Կավսաձեն, ում համար «Չորրորդ Բրայթոնը», ցավոք, վերջին ֆիլմը դարձավ: Ֆիլմի բեմադրիչ օպերատորը Ֆեդոն Պապամիկաելին է, ով երկու անգամ առաջադրվել է «Օսկարի» ՝ լավագույն օպերատորական աշխատանքների համար:

Վերջերս «Չորրորդ Բրայթոն» ֆիլմը Տրայբեկայի միջազգային կինոփառատոնում (Միջազգային գեղարվեստական ֆիլմերի մրցույթ) արժանացավ երեք խոշոր մրցանակի `լավագույն ֆիլմ, լավագույն սցենար և Լավագույն դերասան – Լևան Թեդիաշվիլի: