Նյու Յորքի քաղաքապետ Զոհրան Մամդանին արձագանքել է Մինեսոտայում տեղի ունեցած կրակոցներին՝ ասելով, որ դաշնային գործակալները ահաբեկում են ԱՄՆ քաղաքները։

Նա ասել է, որ ICE-ն պետք է վերացվի։

«Մինչ տասնյակ հազարավոր մարդիկ ամբողջ Ամերիկայում բողոքում են ICE-ի կողմից անպատիժ կերպով իրականացվող բռնության դեմ, դաշնային գործակալներն այսօր Մինեապոլիսում կրակել և սպանել են ևս մեկ մարդու։ ICE-ն ահաբեկում է մեր քաղաքները։ ICE-ն վտանգի է ենթարկում մեզ բոլորիս։ Վերացրեք ICE-ն», – գրել է Մամդանին։

Դաշնային գործակալները Մինեապոլիսում սպանել են ևս մեկ մարդու։ ԱՄՆ ներքին անվտանգության դեպարտամենտը հայտարարել է, որ սահմանապահ պարեկային գործակալները կրակ են բացել ինքնապաշտպանության նպատակով, երբ մի տղամարդ մոտեցել է իրենց զենքով։ Մինեապոլիսի ոստիկանապետ Բրայան Օ’Հարան ասել է, որ սպանված 37-ամյա տղամարդը ԱՄՆ քաղաքացի էր։ Նա զենքը գնել էր օրինական ճանապարհով։