Նինոծմինդա-Հայաստան սահմանի հատվածում արգելվում է կցորդիչով և կիսակցորդիչով տրանսպորտային միջոցների երթեւեկությունը

17:42, 13.12.2024

Օդերևութաբանական բարդ պայմանների պատճառով (բուք, սահմանափակ տեսանելիություն) միջազգային նշանակության Ախալցիխե-Նինոծմինդա (Հայաստանի Հանրապետության սահման) ավտոճանապարհի կմ 90-կմ 112 հատվածում (Նինոծմինդա-Հայաստանի սահման) սահմանափակված է կցորդիչով և կիսակցորդիչով ավտոտրանսպորտի երթեւեկությունը։

Նշվածի մասին տեղեկատվություն է տրամադրում Վրաստանի տարածաշրջանային զարգացման և ենթակառուցվածքների նախարարության ավտոճանապարհային վարչությունը:

Գերատեսչության տվյալներով՝ այլ տեսակի ավտոտրանսպորտային միջոցների տեղաշարժն ազատ է։

Ավտոճանապարհների դեպարտամենտից ստացված տեղեկատվության համաձայն ավտոճանապարհի կմ1-կմ89 (Ախալցիխե-Նինոծմինդա) հատվածում երթեւեկությունն ազատ է։

Հեղինակ - Anna Badalian

Հասարակական

Շրջաններ