ՆԳ նախարարության Քրեական ոստիկանության Կենտրոնական բաժնի և Թբիլիսիի ոստիկանության բաժանմունքի օպերատիվ-հետախուզական միջոցառումների արդյունքում խմբակային բռնությանը մասնակցելու և ոստիկանի վրա հարձակվելու փաստերով ձերբակալվել է երեք անձ։

ՆԳՆ տեղեկատվության համաձայն՝ խմբակային բռնությանը մասնակցելու մեղադրանքով ձերբակալվել է 2004 թվականին ծնված Ն.Ջ.-ն։ Ոստիկանի նկատմամբ բռնություն գործադրելու մեղադրանքով ձերբակալված է 1999 թվականին ծնված Ա.Կ.-ն եւ նախկինում թմրանյութային հանցագործությունների համար դատապարտված՝ 1993 թվականին ծնված Ս.Ս.-ն։

Հանցագործությունները պատժվում են մինչև ինը տարի ազատազրկմամբ։

«Քննությամբ պարզվել է, որ մեղադրյալ Ն.Ջ.-ն Ռուսթավելի պողոտայում անցկացված բողոքի ակցիաների ժամանակ ակցիայի մասնակիցների հետ համակարգված և շարունակաբար բռնություն է կիրառել իրավապահների նկատմամբ։ Նա նաև պիրոտեխնիկա է կրակել ՆԳ նախարարության աշխատակիցների ուղղությամբ՝ նրանց առողջությանը վնաս պատճառելու նպատակով։ Այս տարվա դեկտեմբերի 1-ին Ռուսթավելիի պողոտայում տեղի ունեցած հանրահավաքի ժամանակ ՆԳ նախարարության աշխատակիցների ուղղությամբ ամբաստանյալ Ա.Կ.-ն Մոլոտովի կոկտեյլ է նետել։ Մեղադրյալ Ս.Ս.-ն այս տարվա դեկտեմբերի 4-ին Ազատության հրապարակում տեղի ունեցած հանրահավաքի ժամանակ մահակով հարձակվել էր ՆԳՆ աշխատակցի վրա եւ վնասել նրա գլուխը։ Դեպքի առթիվ հետաքննությունն իրականացվում է Քրեական օրենսգրքի 225-րդ և 239-րդ հոդվածի 1-ին մասով և 353-րդ պրիմա հոդվածով։ ՆԳՆ-ում ընթացիկ գործողությունների շրջանակում բռնի խմբերի կողմից կատարված բոլոր հանցավոր արարքները հետաքննվում են Քրեական օրենսգրքի 187-րդ և 353-րդ հոդվածներով, որոնց շրջանակներում մինչ այժմ ձերբակալվել է ինը անձ։ Նաև ութ անձ ձերբակալվել է Քրեական օրենսգրքի 225 և 239 պրիմ հոդվածներով, ինչը նշանակում է խմբակային բռնություն կազմակերպելը, ղեկավարելը կամ մասնակցելը և հրապարակայնորեն բռնի գործողությունների կոչ անելը։ Իսկ պայթյունը նախապատրաստելու մեղադրանքով մեկ անձ ձերբակալվել է»,- ասվում է ՆԳՆ տարածած հաղորդագրության մեջ։