Վրաստանի Ներքին գործերի նախարարության գլխավոր տեսչության և գլխավոր դատախազության համատեղ իրականացված քննչական, դատավարական և օպերատիվ միջոցառումների արդյունքում ձերբակալվել է երեք անձ՝ թմրանյութերի ապօրինի ձեռքբերման և պահպանման, ինչպես նաև թմրանյութերի ապօրինի վաճառքի մեղադրանքով։

«Քննությունը պարզել է, որ Իմերեթիի ոստիկանության դեպարտամենտի Քութայիսի քաղաքային բաժնի 2-րդ ոստիկանության բաժանմունքի տեսուչ, 1969 թվականին ծնված Խ.Զ.-ն, նյութական օգուտ ստանալու նպատակով ապօրինի կերպով «Մորֆին» թմրանյութ է վաճառել քաղաքացիներ՝ 1964 թվականին ծնված Ի.Գ.-ին և 1960 թվականին ծնված Ա.Բ.-ին։

«Քաղաքացիներ Ի.Գ.-ի և Ա.Բ.-ի անձնական և բնակելի տների խուզարկության արդյունքում որպես ապացույց առգրավվել են «Մորֆին» և «Բուպրենորֆին» թմրամիջոցները, որոնք մեղադրյալները ապօրինի կերպով պահում էին», – հայտնել են ՆԳՆ-ից։

Քննությունը շարունակվում է Վրաստանի քրեական օրենսգրքի 260-րդ հոդվածի 1-ին և 2-րդ մասերով և 260-րդ հոդվածի 4-րդ մասով։ Հանցագործությունը նախատեսում է 12-ից 20 տարի ազատազրկում կամ ցմահ ազատազրկում։