Վրաստանի Ազգային բանկի նախագահի պաշտոնակատար Նաթիա Թուրնավան հանդիպում է ունեցել Հայաստանի Կենտրոնական բանկի փոխնախագահ Արմեն Նուրբեկյանի հետ։

Ազգային բանկի տեղեկատվության համաձայն՝ զրույցի ընթացքում շոշափվել են Վրաստանի մակրոտնտեսական միտումները և Վրաստանի Կենտրոնական բանկի կողմից իրականացվող քաղաքականությունը, որն ապահովում է գների կայունությունը։

Նաթիա Թուրնավան իր հայ գործընկերոջ հետ կիսվել է Ազգային բանկի դրամավարկային քաղաքականության վերաբերյալ իր փորձով և ընդգծել երկրում նպատակայինից ցածր գնաճի մակարդակը։ Նա նաև շեշտը դրել է բարձր տնտեսական ակտիվության վրա՝ ցածր գնաճով։

Արմեն Նուրբեկյանն իր հերթին խոսել է Հայաստանում ընթացող դրամավարկային քաղաքականության և տնտեսական պարամետրերի մասին և տարածաշրջանում բարձր անորոշության ֆոնին ընդգծել արագ փոփոխվող իրավիճակը։

Կողմերի միջև զրույցի ընթացքում շոշափվել են ֆինանսական ծառայությունների զարգացման հարցեր։ Ինչպես ասվել է հանդիպմանը, Վրաստանի Ազգային բանկը մշտապես ձգտում է բարելավել գործընթացները և դիվերսիֆիկացնել գործառնությունները»,- ասված է Վրաստանի Ազգային բանկիի տեղեկատվության մեջ։