«Նամախվանի» ՀԷԿ-ի ամբարտակի կառուցման համար հայտարարվել է 9-12 ամիս ժամկետով մորատորիում
Վրաստանի կառավարության որոշմամբ հայտարարվել է «Նամախվանի» ՀԷԿ-ի կառուցման մորատորիում` 9-12 ամիս ժամկետով, մինչև բնապահպանական, երկրաբանական և սեյսմոլոգիական հետազոտությունների վերանայումը և վերահիմնավորումը:
Սա Վրաստանի կառավարության կողմից ընդունված որոշումներից մեկն է՝ «Նամախվանի ՀԷԿ-ի կառուցման շուրջ ընթացիկ գործընթացների հետ կապված, որն այսօր հրապարակվել է Վրաստանի կառավարության վարչության կողմից:
«Այս փուլում ընկերությունը կշարունակի միայն ենթակառուցվածքների ոլորտում ծրագրի առաջին փուլի նախապատրաստական աշխատանքները` ընթացիկ շինարարության թույլտվության շրջանակներում», – ասված է հայտարարության մեջ: