Մյանմայում արդեն երկրորդ օրն է, ընթանում են լայնամասշտաբ բողոքի ցույցեր:
Հազարավոր մարդիկ ամբողջ երկրում, բողոքում են ռազմական հեղաշրջման և քաղաքական առաջնորդների ձերբակալության դեմ:
Բողոքի ակցիայի մասնակիցները պահանջում են ազատել երկրի առաջնորդ, Աուն Սան Սու Չիին և այլ քաղաքական գործիչների: Լրատվամիջոցների հաղորդմամբ, հանրահավաքների մեկնարկից հետո երկրում արգելափակվել է ինտեռնետը:
Ըստ «Ռոյտեր»-ի, սա 2007 թվականից ի վեր, Մյանմայում կայացած ամենալայնածավալ բողոքի ցույցն է:
Մի քանի օր առաջ Մյանմայում տեղի ունեցավ ռազմական հեղաշրջում: Զինվորականները երկրում մեկ տարով հայտարարել են արտակարգ դրության և ձերբակալել երկրի առաջնորդին և մի քանի քաղաքական գործիչների: