Միխեիլ Սաակաշվիլի. Չորս կողմը նայեք, քանի՞ մարդ է մնացել «քոցերի» աջակից, դադարեցրեք աղմուկը, մտածեք այն մասին, որ եթե ես Վրաստանում ազատ քայլեի, որքան ժամանակում վերջ կտայի սրանց

«Գերեվարվելուց առաջ Կիևում հանդիպեցի հասարակական կարծիքի ուսումնասիրությամբ զբաղվող խոշորագույն եվրոպական ընկերության՝ IPSOS-ի տարածաշրջանային տնօրենին։ Նա ինձ ասաց, որ Վրաստանում հասարակական կարծիքի հարցում անցկացնելը չափազանց բարդ է, քանի որ մարդիկ վախենում են ճիշտ այնպես, ինչպես Ռուսաստանի կողմից օկուպացված Ղրիմում և Դոնեցկում, և որ ուղղակի հարց տալն իմաստ չունի, անուղղակի հարցերով պետք է պարզել իրական տրամադրվածությունը»,- այս մասին սոցիալական ցանցում գրում է Սաքարթվելոյի նախկին նախագահ Միխեիլ Սաակաշվիլին։

Ինչպես նշում է Սաակաշվիլին, մարդիկ վախենում են հարցումներում ճշմարտությունն ասել։

«Այսպիսին էր ճշմարտությունը մինչև զանգվածային բռնաճնշումները, մարդկանց բանտերը նետելը և փողոցներում մարդկանց ահաբեկելը, իսկ հիմա պատկերացնո՞ւմ եք, թե որքան են մարդիկ վախենում հարցումներում ճշմարտությունն ասել։ Եվ պատասխանելուց հրաժարված 46%-ից քանիսն են նույն «Ազգային շարժման» կողմից։ Իսկ ովքեր ասել են, թե ձայնը տալիս են «Երազանքին», քանի՞ ընտանիքի անդամ է ոչ ձեռնարկատիրական (ոչ առևտրային) իրավաբանական անձանց և հանրային իրավունքի իրավաբանական անձանց (ՀԻԻԱ) աշխատակից, կամ քանիսն են պարզապես վախենում ճշմարտությունն ասել։

Եվ վերջապես, չորս կողմը նայեք, ձեր շուրջը քանի՞ մարդ է մնացել «քոցերի» (Վրացական երազանքի) աջակից։ Ուրեմն դադարեցրեք ողբն ու աղմուկը, մտածեք այն մասին, որ եթե եu Վրաստանում ազատ քայլեի, որքան ժամանակում վերջ կտայի սրանց»,- գրում է Միխեիլ Սաակաշվիլին։