Վրաստանի նախագահ Միխեիլ Ղավելաշվիլին հրավիրել է Թուրքիայի նախագահ Ռեջեփ Թայիփ Էրդողանին սեպտեմբերի 4-ին կայանալիք Վրաստան-Թուրքիա ֆուտբոլի հավաքականի խաղին։

Միխեիլ Ղավելաշվիլին այս մասին հայտարարել է երկրի նախագահի հետ Թուրքիայում կայացած համատեղ ճեպազրույցի ժամանակ։

«Մենք մեր երախտագիտությունն ենք հայտնում ջերմ հյուրընկալության համար, ինչպես նաև ձեզ հրավիրել ենք Վրաստան, բայց լավ կլիներ, եթե դուք գայիք սեպտեմբերի 4-ին կայանալիք Վրաստան-Թուրքիա խաղին, և մենք հնարավորություն ունենայինք այն միասին դիտել։ Վստահ եմ, որ դա հիանալի խաղ կլինի», – ասել է Միխեիլ Ղավելաշվիլին։

Բացի այդ, Թուրքիայի նախագահը ճեպազրույցի ժամանակ նշել է, որ Վրաստան-Թուրքիա խաղը ավելի կխորացնի երկրների միջև հարաբերությունները։

«Ցանկանում եմ ընդգծել, որ Վրաստանի և Թուրքիայի միջև ռազմավարական համագործակցությունը կզարգանա և կամրապնդվի մեր ժողովուրդների կամքի հիման վրա։ Շնորհակալություն նախագահ Կավելաշվիլիին, նրա պատվիրակությանը և ջերմ ողջույններ Վրաստանի բարեկամ ժողովրդին։ Մեր թիմերի հանդիպումը կկայանա սեպտեմբերի 4-ին, որը կլինի որակավորման խաղ և ավելի կխորացնի մեր երկրների միջև բարեկամական հարաբերությունները», – ասել է Ռեջեփ Թայիփ Էրդողանը։

Վրաստանի ազգային հավաքականը Աշխարհի առաջնության ընտրական խաղ կանցկացնի Բորիս Պայճաձեի անվան «Դինամո Արենա»-ում: Խաղը կսկսվի ժամը 20:00-ին: