Պետք է սիրել միմյանց Քրիստոսի սիրով, համախմբել մեր հասարակությունը, մեր սիրով հաղթել արհեստականորեն ներմուծված բևեռացնող թեմաները,- Սուրբ Ծննդյան պատարագից հետո լրագրողներին ասաց Վրաստանի նախագահ Միխեիլ Ղավելաշվիլին։

«Շնորհավորում եմ համայն Վրաստանին Սուրբ Ծննդյան հրաշափառ տոնի առթիվ, շնորհավորում եմ նաև արտերկրում գտնվող մեր հայրենակիցներին, շնորհավորում եմ օկուպացված տարածքում գտնվող մեր քաղաքացիներին, մեր օս և աբխազ եղբայրներին ու քույրերին, մեր ընտանիքներին, թող Քրիստոսի շնորհը լինի բոլորի հետ։ Ուզում եմ հատուկ նշել պատրիարքի նամակը, որը միշտ ուշադրության է արժանի, համապատասխան է ներկա մարտահրավերներին ու իրականությանը։ Սա սերն է մերձավորի հանդեպ, երևի մեր հասարակությունը կհամաձայնի, որ պետք է սիրել միմյանց Քրիստոսի սիրով, համախմբել մեր հասարակությունը, հաղթահարել արհեստականորեն ներմուծված բևեռացնող թեմաները և մեր սիրով հաղթել նրանց։ Սա Պատրիարքի նամակից է՝ սիրել միմյանց, սիրել մեր մերձավորին Քրիստոսի սիրով, ինչը շատ լավ կլինի։ Որպես նախագահ՝ ես կփորձեմ դա ապացուցել իմ գործերով և սիրով համախմբել մեր հասարակությունը»,- ասել է Միխեիլ Ղավելաշվիլին։