Վրաստանի ինքնիշխանության և տարածքային ամբողջականության, ինչպես նաև Վրաստանի եվրատլանտյան ինտեգրման գործընթացի նկատմամբ Թուրքիայի ամուր աջակցությունը կարևոր և արժեքավոր է Վրաստանի համար, հայտարարել է Վրաստանի նախագահ Միխեիլ Ղավելաշվիլին Թուրքիայի նախագահ Ռեջեփ Թայիփ Էրդողանի հետ ճեպազրույցի ժամանակ։

Վրաստանի նախագահը շնորհակալություն է հայտնել իր թուրք գործընկերոջը տարբեր ձևաչափերով Վրաստանին ցուցաբերած աջակցության համար։

«Ես կցանկանայի անձամբ շնորհակալություն հայտնել Ձեզ Ձեր անձնական ներդրման և տարբեր ձևաչափերով Վրաստանին ցուցաբերած աջակցության համար։ Բացի այդ, մենք հաստատում ենք Վրաստանի կառավարության հավատարմությունը ռուս-վրացական հակամարտության խաղաղ կարգավորման քաղաքականությանը, որը հիմնված է Ռուսաստանի կողմից Վրաստանի երկու շրջանների ապաօկուպացիայի և օկուպացիոն գծով բաժանված բնակչության միջև հաշտեցման և համագործակցության խնդիրների վրա», – ասել է Վրաստանի նախագահ Միխեիլ Ղավելաշվիլին։