Միգրացիայի դեպարտամենտի աշխատակիցները Վրաստանից արտաքսել են օտարերկրյա 84 քաղաքացու
Վրաստանի ներքին գործերի նախարարության միգրացիայի դեպարտամենտի աշխատակիցները, նախարարության համապատասխան ստորաբաժանումների հետ համագործակցությամբ, վերջին օրերի ընթացքում Վրաստանից արտաքսել են օտարերկրյա 84 քաղաքացու։
ՆԳՆ-ի տեղեկացմամբ՝ միգրացիայի դեպարտամենտի կողմից իրականացված համալիր միջոցառումների արդյունքում երկրից արտաքսվել են Հնդկաստանի, Եգիպտոսի, Թուրքիայի, Ռուսաստանի, Թուրքմենստանի, Ադրբեջանի, Թաիլանդի, Լիբանանի, Ուզբեկստանի, Բելառուսի, Գանայի, Հորդանանի, Պակիuտանի, Նիգերիայի, Ֆիլիպինների, Չինաստանի և այլ պետությունների՝ ընդհանուր առմամբ 84 քաղաքացի։
Գործող օրենսդրության համաձայն՝ արտաքսված անձանց նկատմամբ սահմանվել է երկիր մուտքի արգելք։
Ընթացիկ տարում միգրացիայի դեպարտամենտի աշխատակիցների կողմից երկրից արտաքսվել է ավելի քան 3 000 անձ։