Մեծ յոթնյակի արտգործնախարարները Ռուսաստանին կոչ են անում անհապաղ Ուկրաինային վերադարձնել Զապորոժյեի ատոմակայանի վերահսկողությունը
Մեծ յոթնյակի ԱԳ նախարարները Ռուսաստանին կոչ են անում անհապաղ Ուկրաինային վերադարձնել Զապորոժյեի ատոմակայանի վերահսկողությունը։
Դիվանագետները Մոսկվային մեղադրում են ողջ տարածաշրջանը վտանգելու մեջ։ Նախարարները լրջորեն մտահոգված են ատոմակայանի անվտանգությամբ. Նրանք ասում են, որ Ռուսաստանի գործողությունները խաթարում են Ատոմային էներգիայի միջազգային գործակալության կարողությունը՝ վերահսկելու Ուկրաինայում միջուկային գործունեության անվտանգությունը:
Ըստ ուկրաինական կողմի՝ ռուսական ուժերն օգտագործում են կայանը որպես ռազմաբազա և այնտեղից հրթիռներ են արձակում այն հիմքով, որ գիտեն, որ ուկրաինացի զինվորականները չեն ռմբակոծելու այս տարածքը։