Վրաստանի վարչապետ Իրակլի Ղարիբաշվիլին կառավարության այսօրվա նիստում շնորհակալություն է հայտնել բոլոր նրանց, ովքեր իրենց ներդրումն են ունեցել Եվրամիության հետ առանց վիզայի ռեժիմի հինգերորդ տարեդարձի կապակցությամբ։

Ղարիբաշվիլիի խոսքով, այս գործընթացը սկսվել է 2013 թվականին, և կառավարությունը շատ է աշխատել այդ արդյունքին հասնելու համար։

«Այսօր Եվրամիության հետ առանց վիզայի ռեժիմի հինգերորդ տարին է։ Այսպիսով, շնորհավորում եմ բոլորին այս կարևոր օրվա կապակցությամբ: Ինչպես գիտեք, մենք՝ ողջ կառավարությունը, շատ քրտնաջան աշխատել ենք դրա համար, և ես ուզում եմ շնորհակալություն հայտնել բոլոր նրանց, ովքեր իրենց ներդրումն են ունեցել այս արդյունքի համար։ Ուզում եմ նաև հիշեցնել հանրությանը, որ մենք սկսել ենք այս գործընթացը 2013 թվականին, երբ մեզ տրվեց առանց վիզայի գործողությունների ծրագիր։ Հետո կառավարությունը բավականին ինտենսիվ աշխատանք կատարեց։ Մենք ավարտեցինք աշխատանքները 2015 թվականի դեկտեմբերին և ստացանք այն: Եվրամիությունը այդ աշխատանքները համարեց բավարար, և դրանից շատ շուտով, մոտ մեկ տարի անց, վերացավ Եվրամիության հետ վիզային ռեժիմը։ Ուզում եմ նաև հիշեցնել բնակչությանը, մեր քաղաքացիներին, որ Վրաստանի կես միլիոնից ավելի քաղաքացիներ այս 5 տարիների ընթացքում կատարել են ավելի քան մեկուկես միլիոն այցելություններ, ինչը նույնպես կոնկրետ, շոշափելի արդյունք է, որին մենք հասել ենք Ասոցացման համաձայնագիր կնքելուց հետո»,- ասել է Իրակլի Ղարիբաշվիլին։