Վրաստանում Եվրամիության դեսպան Կառլ Հարցելի հայտարարությամբ, ինքը ողջունում է Վրաստանի Ժողովրդական պաշտպանի և նրա թիմի կողմից Միխեիլ Սաակաշվիլիի առողջական վիճակի օբյեկտիվ գնահատման համար անցկացված լրացուցիչ բժշկական հետազոտությունը։

Այս մասին Կառլ Հարցելը գրել է «Թվիթերի» իր էջում։

«Մենք ողջունում ենք Վրաստանի Ժողովրդական պաշտպանի և նրա թիմի կողմից անցկացված լրացուցիչ բժշկական զննումը՝ պարոն Սաակաշվիլիի առողջության օբյեկտիվ գնահատականը տալու համար, որը Վրաստանում մարդու իրավունքների վերահսկման օմբուդսմենի կարևոր սահմանադրական մանդատի մի մասն է», – գրել է նա:

Վրաստանի Ժողովրդական պաշտպանին առընթեր բժիշկների խումբը երեկ այցելել է Գլդանիի թիվ 18 հաստատություն։

Welcome additional medical expertise acquired by @Ombudsman_Geo and her team to assess Mr Saakashvili’s health situation objectively, as part of fulfilling her important constitutional mandate to supervise the protection of human rights in Georgia. pic.twitter.com/08Bxf6vsMv

— Carl Hartzell (@CarlHartzellEU) November 17, 2021