Մարկո Ռուբիո. Երկար ժամանակ Մեծ Բրիտանիայի և Եվրոպայի մեծ մասի ներքին քաղաքականությունն ուղղված է եղել Իսրայելի դեմ, Պաղեստինի պետության ճանաչումը խորհրդանշական է, նրանք դա անում են ներքին քաղաքականության պատճառով
ԱՄՆ պետքարտուղար Մարկո Ռուբիոյի հայտարարության համաձայն՝ Արևմտյան երկրները, որոնք պլանավորում են ճանաչել Պաղեստինի պետությունը, դա անում են հիմնականում ներքին քաղաքական իրավիճակի պատճառով։
«Դա խորհրդանշական է, և նրանք դա անում են մեկ պատճառով՝ ներքին քաղաքականության պատճառով: Երկար ժամանակ Մեծ Բրիտանիայի, Ֆրանսիայի, Եվրոպայի մեծ մասի և Իռլանդիայի ներքին քաղաքականությունն ուղղված է եղել Իսրայելի դեմ, և նրանք մեծ ներքին ճնշում են զգում ինչ-որ բան անելու համար», – ասել է Ռուբիոն։
Մարկո Ռուբիոն ասել է, որ տարածաշրջանի ապագան չի որոշվի ՄԱԿ-ի բանաձևերով և առաջնորդների հայտարարություններով, այլ այն ժամանակ, երբ Պաղեստինի տարածքների կառավարիչները այլևս ահաբեկչական կազմակերպություններ չեն։