Մարիա Զախարովա. Եթե Դարիա Դուգինայի սպանության գործով ուկրաինական հետքերի վարկածը հաստատվի իրավասու մարմինների կողմից, ապա կարելի է խոսել Կիևի կողմից պետական ահաբեկչության քաղաքականության մասին
Եթե Դարիա Դուգինայի սպանության գործով ուկրաինական հետքերի վարկածը հաստատվի իրավասու մարմինների կողմից, ապա կարելի է խոսել Կիևի կողմից պետական ահաբեկչության քաղաքականության մասին, – այս մասին սոցիալական ցանցում գրել է Ռուսաստանի ԱԳ նախարարության մամուլի խոսնակ Մարիա Զախարովան։
«Եթե հաստատվի ուկրաինական հետքը, և այս վարկածը հնչեցրեց Դոնեցկի Ժողովրդական Հանրապետության ղեկավար Դենիս Պուշլինը, որը պետք է ստուգվի իրավասու մարմինների կողմից, ապա պետք է խոսել Կիևի ռեժիմի կողմից իրականացվող պետական ահաբեկչության քաղաքականության մասին»,- գրել է Զախարովան։
Զախարովան նշել է, որ բավական փաստեր են կուտակվել նման ենթադրության օրինականությունը հաստատելու համար։
