Ռուսաստանն ամեն ինչ կանի միջուկային էսկալացիան կանխելու համար, սակայն ոչ մեկին խորհուրդ չի տալիս փորձել իր համբերությունը,- ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք ամեն ինչ անելու ենք վատագույն սցենարից խուսափելու համար, բայց ոչ մեր կենսական շահերի հաշվին։ Ես ոչ մեկին խորհուրդ չեմ տալիս կասկածել մեր ուժերին և փորձարկել այն գործնականում»,- ասել է Զախարովան։

ՌԴ ԱԳՆ ներկայացուցչի խոսքով՝ «ԱՄՆ-ը շարունակում է միտումնավոր խարխլել Ռուսաստանի հիմնարար շահերը, միտումնավոր ռիսկեր ստեղծել և խաղադրույքներ բարձրացնել Ռուսաստանի հետ առճակատման մեջ»։

Հիշեցնենք, որ մինչ այդ ՌԴ Անվտանգության խորհրդի փոխնախագահ Դիմիտրի Մեդվեդեւն ասել էր, որ աշխարհը, հավանաբար, նոր համաշխարհային պատերազմի շեմին է։