Մարդիկ, ովքեր ներքաշվել են կենցաղային հողի վրա տեղի ունեցած հակամարտությանը, առանձնացել են մեծ պատասխանատվությամբ, որ հակամարտությունը չվերածվեր ավելի լայն մասշտաբների, – այս մասին Դմանիսիում, հակառակորդ կողմերի հաշտեցումից հետո, հայտարարել է Պատրիարքարանի հասարակայնության հետ կապերի բաժնի ղեկավար, Անդրիա Ջաղմաիձեն:

«Շատ ուրախալի է, որ ամեն ինչ հարթ անցավ: Մարդիկ, ովքեր ներգրավված են եղել տեղում հակամարտության մեջ, ցուցաբերել են մեծ պատասխանատվություն, որպեսզի այս բախումն ավելի մասշտաբային չլինի: Մանրամասները պարզելուց հետո այս մարդիկ քայլ կատարեցին դեպի խաղաղություն: Մենք միշտ բնակչության կողմից ուղորդում ունենք և պարտավոր ենք օգտագործել այն վստահության ռեսուրսը, որը կա մեր հանդեպ:

Մենք այստեղ ենք տեղացիների խնդրանքով: Այստեղ մենք ծխական համայնք ունենք և մեզ բոլորիս պետք է այս խաղաղությունը: Հուսով եմ լարվածության հիմքեր այլևս չկան: Պարզվեց, որ այս լարվածության պայմաններում բնակչությունը գտավ խաղաղ ապրելու մեծ պատրաստակամություն: Սրանք մարդիկ են, ովքեր պետք է միասին ապրեն, և նրանք գիտեն, որ տեղում առկա խնդիրը պետք է ինչ-որ կերպ վերջանա», – հայտարարել է Ջաղմաիձեն:

Դմանիսիում երեկ առճակատում է տեղի ունեցել խանութներից մեկի հետ: Դեպքի ընթացքում ծեծի է ենթարկվել խանութի սեփականատերը, որին այնուհետև ցուցաբերվել է բժշկական օգնություն: Ոչնչացվել է խանութի ենթակառուցվածքը: Տեղական հրապարակումներից մեկը երեկ հրապարակել է դեպքի տեսանյութը, որը ֆիքսել է խանութի մոտ տեղադրված հսկիչ տեսախցիկը: Ողջ գիշեր հարցումներ են անցկացվել ոստիկանության Դմանիսիի բաժնում: Դմանիսիում տեղի ունեցած դեպքի կապակցությամբ մի քանի մարդ է ձերբակալվել: Միաևնույն ժամանակ, Դմանիսիում այսօր առավոտից իրավիճակը լարված էր: Տեղի բնակիչների միջև տեղի են ունեցել մի քանի բախումներ, իրավապահները փորձել են հանդարտեցնել իրավիճակը:

Արևելյան Վրաստանի մուֆթի, Էթիբար Էմինովը Դմանիսիում տեղի ունեցած միջադեպի կապակցությամբ հայտարարել է, որ կողմերը հաշտվել են: Նրա խոսքով, կողմերը համաձանյվել են հաշտվել և հակամարտությունը այլ.ս չի շարունակվի: