Հունիսից «Թուրքիշ էարլայնս» ավիաընկերությունը պլանավորում է վերսկսել ներքին և միջազգային չվերթները:

Հիմնվելով սեփական աղբյուրի վրա նշվածի մասին տեղեկությունը հաղորդում է «Անադոլու» գործակալությունը:

Մամուլի փոխանցմամբ ավիաընկերությունը թռիչքների ժամանակացույցը մշակել է հունիս, հուլիս և օգոստոս ամիսների համար:

«Անադոլու»-ն գրում է, որ հունիսին «Թուրքիշ էարլայնս»-ը կվերսկսի ներքին չվերթները և աստիճանաբար կիրականացնի նաև միջազգային թռիչքներ:

Թռիչքների եռամսյա ժամանակացույցի համաձայն թուրքական ավիաընկերությունը թռիչքներ կիրականացնի 19 երկրի, այդ թվում՝ Վրաստանի ուղղությամբ:

Երկրների ցուցակում են նաև Կանադան, Ղազախստանը, Աֆղանստանը, Ճապոնիան, Չինաստանը, Հարավային Կորեան, Սինգապուրը, Դանիան, Շվեդիան, Գերմանիան, Նորվեգիան, Ավստրիան, Նիդեռլանդները, Բելգիան, Բելառուսը, Իսրայելը, Քուվեյթը և Լիբանանը:

Նախատեսվում է իրականացնել շաբաթական 75 թռիչք: Աստիճանաբար, հուլիսին և օգոստոսին, նախատեսվում է թռիչքների ավելացում:

Կորոնավիրուսի համաճարակի պատճառով մինչև մայիսի 28-ը «Թուրքիշ էարլայնս»-ը դադարեցրել է բոլոր ներքին և միջազգային չվերթները: