Եթե ​​տոնածառի միջոցառմանը «ոչ» չես ասում, նշանակում է՝ նպատակաուղղված սադրանք ես կազմակերպում, ինչի մասին օրեր առաջ ինքդ ես հայտարարել «ՊԱԾ»-ի միջոցով,- այս մասին գրում է սոցցանցում «Ուժեղ Վրաստանի» առաջնորդներից Մամուկա Խազարաձեն:

Մամուկա Խազարաձեն բնակչությանը կոչ է անում հանգստություն պահպանել, չհետևել «Իվանիշվիլիի ծրագրած սադրանքին, որը կարող է վերածվել քաղաքացիական բախման, ինչի համար պատասխանատվություն են կրում Իվանիշվիլին և նրա խամաճիկ «կառավարությունը»:

«Այսօր հայտարարված տոնածառի միջոցառումը սադրանքի նշաններ է պարունակում։ Մինչ հարյուր հազարավոր քաղաքացիներ Ռուսթավելիում արդեն 16-րդ օրն է բողոքում են ոչ լեգիտիմ իշխանության կողմից գողացված ընտրությունների դեմ, այսօրվա իրադարձությունը կարող է լարվածության և քաղաքացիական բախումների պատճառ դառնալ։ Այնտեղ, որտեղ մի քանի օր առաջ խաղաղ ցուցարարներին էին խոշտանգում, հալածում, թունավորում գազով, որտեղ ամեն ինչ դեռ տոգորված է գազի հոտով, անբարոյականություն է տոն կազմակերպելը, երբ քաղաքն ունի բազմաթիվ պուրակներ ու հրապարակներ նման միջոցառում կազմակերպելու համար։ Եթե ​​չեք հրաժարվում այս միջոցառումից, նշանակում է, դուք նպատակաուղղված սադրանք եք կազմակերպում, ինչի մասին օրեր առաջ ինքներդ եք հայտարարել ՊԱԾ-ի հայտարարության մեջ։
Բնակչությանը կոչ ենք անում հանգստություն պահպանել, չհետևել Իվանիշվիլիի ծրագրած սադրանքին, որը կարող է վերածվել քաղաքացիական հակամարտության, որի համար ամբողջ պատասխանատվությունը կրելու են Իվանիշվիլին և նրա խամաճիկ «կառավարությունը»,- գրում է Մամուկա Խազարաձեն։