Ոչ լեգիտիմ իշխանության ցանկացած գործողություն, այդ թվում՝ «նախագահի» նշանակումն անօրինական է և սադրանք՝ ուղղված սեփական քաղաքացիների դեմ,- սոցցանցում գրում է «Հզոր Վրաստանի» առաջնորդներից Մամուկա Խազարաձեն։

Ինչպես նշում է Խազարաձեն, ազատության համար պայքարը կշարունակվի մինչև հաղթանակ։

«Իվանիշվիլին և նրա ռուսական, ինքնահռչակ կառավարությունը մնում են ամբողջովին մեկուսացված արևմտյան աշխարհից, մինչդեռ եվրոպացի առաջնորդները բացահայտորեն աջակցում են վրաց ժողովրդին և նոր ընտրությունների արդար պահանջին։ Պատմությունը ամեն ինչին կտա իր անունը, այդ թվում՝ դավաճան Իվանիշվիլիին և հերոս վրաց ժողովրդին, որը ծնվել է հաղթելու համար: Մենք անպայման հասնելու ենք նոր ընտրությունների: Ազատության համար պայքարը կշարունակվի մինչև վերջ՝ մինչև հաղթանակ»,- գրել է Խազարաձեն։