Վերջին տարիների փորձը հիմք է տալիս ասելու, որ վրացի դատավորները կաշխատեն օրենքի լիարժեք պահպանմամբ, անաչառ և բարձր պրոֆեսիոնալիզմով, – այս մասին լրագրողների հետ զրույցում հայտարարել է Վերաքննիչ դատարանի դատավոր և Արդարադատության բարձրագույն խորհրդի անդամ Լևան Մուրուսիձեն։

Նրան հարց էր ուղղվել քաղաքային դատարանում ընթացող վարչական գործերի քննության վերաբերյալ։

Ինչպես նշել է Մուրուսիձեն, Ստրասբուրգի դատարանում բազմիցս հաստատվել է, որ վրացական արդարադատությունը կայացրել է ճիշտ և օրինական որոշումներ։

«Ես լիովին վստահ եմ, որ վրացական արդարադատությունը և վրացի դատավորները կընդունեն օրենքին համապատասխան որոշումներ։ Դրա վկայությունն են Ստրասբուրգի դատարանում ներկայացված բազմաթիվ գործեր, որոնց շուրջ մեծ աղմուկ կար՝ ինչպես ներքին, այնպես էլ արտաքին ուժերի կողմից, որոնք ուղղակի վիրավորում էին դատական համակարգը։ Հետագայում Ստրասբուրգի դատարանը հաստատեց, որ վրացական արդարադատությունը կայացրել է ճիշտ և օրինական որոշումներ։ Այդ պատճառով անցած տարիներն ու վերջին տարիներին կուտակված փորձը վրացական արդարադատության ոլորտում ինձ հիմք են տալիս ասելու, որ վրացի դատավորները կաշխատեն օրենքի լիարժեք պահպանմամբ, անաչառ և բարձր պրոֆեսիոնալիզմով», – նշել է Մուրուսիձեն։