Լեհաստանում այսօր տեղի կունենա ընտրված նախագահ Կարոլ Նավրոցկիի երդմնակալության արարողությունը
Այսօր տեղի կունենա Լեհաստանի ընտրված նախագահ Կարոլ Նավրոցկիի երդմնակալության արարողությունը։ Կարոլ Նավրոցկիի՝ որպես Լեհաստանի նախագահի երդմնակալության արարողությունը կսկսվի տեղական ժամանակով ժամը 10:00-ին։
Նավրոցկին երդում կտա 460 պատգամավորների և 100 սենատորների առջև, որից հետո կդիմի ընտրված ներկայացուցիչներին։
Կարոլ Նավրոցկին կփոխարինի գործող նախագահ Անջեյ Դուդային։
Տեղեկատվության համար՝ Կարոլ Նավրոցկին հաղթել է հունիսի 1-ին Լեհաստանում կայացած նախագահական ընտրությունների երկրորդ փուլում։ Նավրոցկին, որին աջակցում է ընդդիմադիր աջակողմյան պահպանողական «PiS» կուսակցությունը, ստացել է ձայների 50.9 տոկոսը։ Նա հաղթել է իշխող կուսակցության թեկնածու, Վարշավայի քաղաքապետ Ռաֆալ Չաշկովսկուն, որը ստացել է ձայների 49.1 տոկոսը։