Ժնևում քննարկվում է ռուս-վրացական հարաբերությունների ամենասուր հարցը, ընդհանուր ֆոնի պատճառով, որն ստեղծված է, առավել բարդացել են բանակցությունները և քննարկվելու են նաև այդ հարցերը,- հայտարարել է Վրաստանի արտաքին գործերի նախարարի տեղակալ Լաշա Դարսալիան՝ Ժնևի բանակցությունների 48-րդ փուլից առաջ:

Ժնևում այսօր անցկացվելու է կողմերի և համանախագահների տեխնիկական հանդիպումը, իսկ վաղը առավոտից ձևաչափի մասնակիցները կնստեն 48-րդ փուլի բանակցությունների սեղանի շուրջ:

Ինչպես նշել է Լաշա Դարսալիան, վրացական պատվիրակությունն առանձնապես շեշտը դնում է վերջին իրադարձությունների ֆոնին անցումների փակելու վրա, որը առանձնապես բարդացնում է մարդասիրական վիճակը օկուպացված տարածքներում:

Միևնույն ժամանակ, 48-րդ փուլի շրջանակներում վրացական պատվիրակությունը օրակարգում բարձրացնելու «սահմանազատման» հարցը: