Ամանորյա լուսավորության տեղադրման պատճառով Քեթևան Թագուհու պողոտայում տրանսպորտային միջոցների երթևեկությունը Հավլաբարի հրապարակից մինչև Լեխ Կաչինսկի փողոցի խաչմերուկ ժամանակավորապես կսահմանափակվի: Այս մասին տեղեկատվություն է տարածել Թբիլիսիի քաղաքապետարանը:

Ըստ նրանց՝ սահմանափակումը ուժի մեջ կլինի նոյեմբերի 21-ին և 22-ին՝ ժամը 00:00-ից մինչև 06:00-ն:

«Նշված ժամանակահատվածում տրանսպորտային միջոցները կկարողանան շարժվել Իրբախի, Ծուրծումիա, Զուրաբաշվիլի և Կաչինսկի փողոցներով: Կաչինսկի փողոցից ավտոմեքենաների երթևեկությունը հնարավոր կլինի ինչպես Բոճորմայի փողոցի, այնպես էլ Քեթևան Թագուհու պողոտայի ուղղությամբ (ձախ շրջադարձով):

Բացի այդ, վարորդները կշարժվեն Թելավի փողոցից դեպի Բոճորմայի  փողոց, ինչպես նաև Իալբուզի փողոցից դեպի Քուռ գետի ձախ ափի ուղղությամբ», – ասվում է Թբիլիսիի քաղաքապետարանի հայտարարության մեջ: