Մենք պատրաստակամություն ենք հայտնում շարունակելու զարգացնել մեր հարաբերությունները շատ վրացիների հետ, ովքեր ցանկանում են, որ երկիրը հաջող լինի և զարգանա, – լրագրողներին ասաց Վրաստանում ԱՄՆ դեսպան Քելլի Դեգնանը:

Նա մեկնաբանեց «Վրացական երազանքի» առաջնորդների հայտարարությունը, որում ասվում էր, որ «մտահոգիչ է, որ որոշակի պաշտոնյաների անբարեխիղճ գործողությունների պատճառով մեր հիմնական ռազմավարական գործընկեր երկրի կառույցներին ամենաբարձր մակարդակով խեղաթյուրված տեղեկատվություն է տրամադրվում»:

Նրա խոսքով, «Վրացական երազանքի» առաջնորդները պետք է բացատրեն իրենց մեկնաբանությունները:

Ինչպես նշել է Դեգնանը, ապրիլի 19-ի համաձայնագրում պարզ է դարձել, որ դատավորների ընտրությունը պետք է հետաձգվի մինչև տեղի կունենա բարեփոխումների վերաբերյալ լայն և ընդգրկուն, բազմակուսակցական ներառական քննարկում:

«Մեկ անգամ եւս փաստերը պարզաբանենք ևս մեկ անգամ. Ապրիլի 19-ի համաձայնագրով պարզ դարձավ, որ դատավորների ընտրությունը պետք է հետաձգվեր մինչև անցկացվեր լայն, համապարփակ, բազմակուսակցական, ներառական քննարկում բարեփոխումների վերաբերյալ: Միայն դրանից հետո պետք է շարունակվեր դատավորների ընտրությունը: Այս համաձայնագիրը պարզ է և միանշանակ՝ առանց «Վրացական երազանքի» և այլ կուսակցությունների ստորագրած կողմնակի կամ բանավոր համաձայնագրերի», – ասաց Դեգնանը:

Նրա խոսքով, ԱՄՆ-ը ունեցել է և ունի հազարավոր շատ լավ վրացի գործընկերներ, ովքեր պատրաստ են օգնել և աջակցել Վրաստանին՝ այս երկիրն ավելի ժողովրդավարական դարձնելու համար:

Ցանկացած լավ իրավաբան գիտի, որ երբ ստորագրում ես, համաձայն ես այնտեղ նշված պայմաններին: Կցանկանայի ասել նաև, որ ԱՄՆ-ն 30 տարի աջակցում է Վրաստանին, և ԱՄՆ-ն ունեցել է, ունի հազարավոր շատ լավ վրացի գործընկերներ, ովքեր պատրաստ են օգնել և աջակցել Վրաստանին՝ այս երկիրն ավելի ժողովրդավար դարձնելու համար: Իր հերթին, ԱՄՆ-ն օգնում է Վրաստանին զարգանալ մի շարք ոլորտներում, ինչպիսիք են պաշտպանությունը, կրթությունը, առողջապահությունը, էկոնոմիկան և այլն: Մենք շարունակում ենք հայտնել մեր պատրաստակամությունը` զարգացնելու հարաբերությունները շատ վրացիների հետ, ովքեր ցանկանում են, որ երկիրը հաջող լինի և զարգանա», – ասաց Քելլի Դեգնանը: