Մեթյու Միլլեր. ԱՄՆ-ն դատապարտում է Կրեմլի կողմից ներշնչված «արտաքին ազդեցության» օրենսդրությունը, այդ օրենքը և «Վրացական երազանքի» հակաարևմտյան հռետորաբանությունը Վրաստանը տանում են վտանգավոր ուղղությամբ
ԱՄՆ-ը դատապարտում է Կրեմլի կողմից ներշնչված «օտար ազդեցության» օրենսդրությունը, որն ընդունվել է Վրաստանի խորհրդարանի կողմից և կեղծ պատմությունը, որն օգտագործվում է այն պաշտպանելու համար, ասել է ԱՄՆ Պետդեպարտամենտի խոսնակ Մեթյու Միլլերը՝ Պետդեպարտամենտի կայքում տեղադրված հայտարարության մեջ։
«Իշխող կուսակցության անդամները հստակ հայտարարել են, որ այս օրենքի նպատակն է լռեցնել քննադատական ձայնը և ոչնչացնել Վրաստանի ակտիվ քաղաքացիական հասարակությունը, որը ցանկացած ժողովրդավարական երկրում ծառայում է որպես կառավարության քննադատական ստուգում։ Այս օրենքը և «Վրացական երազանքի» հակաարևմտյան հռետորաբանությունը Վրաստանին դնում է վտանգավոր ուղղությամբ։ Վրաստանի կառավարության հայտարարություններն ու գործողությունները հակասում են ժողովրդավարական արժեքներին, որոնք ընկած են Եվրամիության և ՆԱՏՕ-ի անդամակցության հիմքում և այդպիսով սպառնում են Վրաստանի ուղուն դեպի եվրաատլանտյան ինտեգրում:
Հայտարարությունները սխալ են բնութագրում արտաքին օգնությունը, որը մենք տրամադրել ենք Վրաստանին 32 տարի՝ ամրապնդելու նրա տնտեսությունը, ժողովրդավարությունը և ռուսական ագրեսիայից պաշտպանվելու կարողությունը։ Սա հիմնովին ընդգծում է ամուր հարաբերությունները, որոնք մենք հաստատել ենք կառավարության և վրաց ժողովրդի հետ»,- ասել է Միլլերը։
Պետդեպարտամենտի ներկայացուցիչը պնդում է, որ աջակցում է վրաց ժողովրդին և ասում, որ խաղաղ հավաքների և խոսքի ազատությունը ճնշելու համար ուժի կիրառումն անընդունելի է։
«Մենք կանգնած ենք վրաց ժողովրդի և նրա ձայնը լսելի լինելու իրավունքի կողքին: Մենք դատապարտում ենք ուժի կիրառումը խաղաղ ցույցերի, այդ թվում՝ ցույցը լուսաբանող լրագրողների դեմ։ «խԽաղաղ հավաքների և խոսքի ազատությունը ճնշելու համար ուժի կիրառումն անընդունելի է, և մենք կոչ ենք անում իշխանություններին թույլ տալ շարունակել բողոքի ոչ բռնի ակցիան, որպեսզի ցուցարարները կարողանան շարունակել օգտվել իրենց խոսքի ազատության իրավունքից»,- ասվում է հայտարարության մեջ։
