Բռնի տեղահանվածների, աշխատանքի, առողջապահության և սոցիալական պաշտպանության նախարարությունը հայտնում է, որ մայիսի 1-ին Ռուսթավելի պողոտայում տեղի ունեցած բողոքի ակցիայի ժամանակ տուժած ութ քաղաքացիներ հոսպիտալացվել են, նրանցից մեկը դուրս է գրվել կլինիկայից։

Գերատեսչության տվյալներով՝ բուժհաստատություն հոսպիտալացված հիվանդների առողջական վիճակը բավարար է։

«Շտապ օգնության խմբերը նրանց տեղափոխել են տարբեր բուժհաստատություններ։ Տուժածներն ունեն տարբեր տեսակի վնասվածքներ, այդ թվում՝ դեմքի, գլխի և մարմնի տարբեր մասերի վերքեր, ինչպես նաև թունավորում և շնչառական բարդություններ։ Այս փուլում բուժհաստատություն հոսպիտալացված հիվանդների առողջական վիճակը բավարար է։ Նրանք ստանում են համապատասխան բուժում և գտնվում են հսկողության տակ»,- հայտնել են նախարարությունից։

Բացի այդ, Առողջապահության նախարարության տվյալներով, բողոքի ցույցի շրջակայքում մոբիլիզացվել է շտապ օգնության համակարգող և շտապ օգնության 20 բրիգադ։

«Տասնյակ քաղաքացիների, այդ թվում՝ մեկ իրավապահի, տեղում բուժօգնություն է ցուցաբերվել։ Նրանք հիմնականում գլխացավեր ու այրվող աչքեր ունեին։

Հանրությանը տեղեկացնելու համար բացատրում ենք, որ բուժանձնակազմը բոլոր քաղաքացիներին մատուցում է անհրաժեշտ բժշկական ծառայություններ։ Նշենք, որ ակցիայի մեկնարկից ի վեր շտապ օգնության բրիգադներ են լրացուցիչ մոբիլիզացվել Ռուսթավելի պողոտայի հարակից տարածքում»,- նշվում է Առողջապահության նախարարության հաղորդագրության մեջ։