Քանի որ մենք հոգ ենք տանում բնակչության առողջության մասին, որոշվեց, որ վաղվա համերգը հնարավոր կլինի դիտել միայն հեռուստատեսությամբ,- այս մասին ամանորյա համերգի կապակցությամբ հայտարարել է Թբիլիսիի քաղաքապետ Կախա Կալաձեն:

Նրա խոսքով, տոնական ժամանակաշրջանում նախատեսվում է անց կացնել մի քանի համերգ:

«Ընդհանուր առմամբ, այս տարին տարբերվող էր, դժվարություններով լի, բազում խնդիրներով, հիմնական մարտահրավերը համավարակն էր, կորոնավիրուսի դեմ պայքարը, և այս պայքարը դեռ չի ավարտվել: Այս պատերազմում դեռ չենք հաղթել: Ուստի, Քանի որ մենք հոգ ենք տանում բնակչության առողջության մասին, որոշվեց, որ վաղվա համերգը հնարավոր կլինի դիտել միայն հեռուստատեսությամբ: Հիմա, այս պահին փորձը շարունակվում է, և ես վստահ եմ, որ վաղը բոլորը, ովքեր ուղիղ հեռարձակմամբ կտեսնեն այս իրադարձությունը, շատ ուրախ կլինեն: Բացի այդ, կանցկացվեն ևս մի քանի համերգներ: Առաջիկա օրերին մենք հանրությանը կտրամադրենք ամբողջական տեղեկատվություն: Մենք փորձեցինք հնարավորինս ներգրավել մշակութային ոլորտի բոլոր ներկայացուցիչներին այս ամանորյա միջոցառումներին: Բոլորը շատ լավ հասկանում են դժվարությունները: Բոլորն էլ շատ լավ հասկանում են, թե որքան բարդ է իրավիճակը, որի մեջ աշխատում ենք և փորձում ենք ամեն ինչ անել, որ բոլորի կողքին լինենն և մեր աջակցությունը հայտնենք այս բարդ իրավիճակում», – հայտարարել է Կալաձեն:

Նա լրագրողների հետ զրույցում ամփոփել է 2020 թվականը և խոսել 2021 թվականի ծրագրերի մասին:

«Ինչ վերաբերում է 2020 թվականին, ապա այն պատմության մեջ կմնա որպես ծանր տարի, ոչ միայն մեր երկրի, այլ ընդհանրապես ամբողջ աշխարհի համար: Մենք գիտենք, որ համավարակը մոլեգնում են ամբողջ աշխարհում, չնայած պատվաստանյութն արդեն գոյություն ունի: Որոշ երկրներում կատարվում են պատվաստումներ: Մեզ մոտ Վրաստանում այս գործընթացը կսկսվի շատ շուտով: Դա ամենամեծ մարտահրավերն էր նաև մեր երկրում, դրան հաջորդեցին տնտեսական խնդիրները, սոցիալական վիճակի վատթարացումը: Հաջորդ 2021 թվականին կարևորը կլինի բարելավել առկա իրավիճակը, բարելավել տնտեսական իրավիճակը, բարելավել սոցիալական պայմանները: Մենք ստիպված կլինենք աշխատել այս ամենի վրա»,- հայտարարել է Կախա Կալաձեն: