Կախա Կուճավա. Չես կարող լրջորեն մեկնաբանել անլուրջ մարդու անլուրջ գործողությունները
Կախա Կուճավա. Չես կարող լրջորեն մեկնաբանել անլուրջ մարդու անլուրջ գործողությունները

Չես կարող լրջորեն մեկնաբանել անլուրջ մարդու անլուրջ գործողությունները: Նրանք, ովքեր հավատում են, թող հավատան, բայց փաստ է, որ Միխեիլ Սաակաշվիլին Վրաստանում չէ, սա կեղծ տեսանյութ է», – ասել է Վրաստանի խորհրդարանի նախագահ Կախա Կուճավան:

Կախա Կուճավան բոլորին հանգստության կոչ է անում:

«Ես կոչ եմ անում բոլորին, առաջին հերթին ձեզ, կեղծ տեղեկություններ չտարածել», – ասել է Կախա Կուճավան:

Վրաստանի նախկին նախագահ, Ուկրաինայի բարեփոխումների գործադիր խորհրդի նախագահ Միխեիլ Սաակաշվիլին այսօր առավոտյան իր էջում գրառում է կատարել՝ նշելով, որ նա անօրինական կերպով է մուտք գործել երկիր և արդեն Վրաստանում է:

Միխեիլ Սաակաշվիլին հրապարակել է նաև մեկ այլ տեսանյութ, որտեղ ասում է, որ գտնվում է Բաթումիում:

Նախկին նախագահ Միխեիլ Սաակաշվիլիի Վրաստան ժամանման վերաբերյալ Վրաստանի ներքին գործերի նախարարությունում հայտարարում են, որ Սաակաշվիլին չի հատել Վրաստանի սահմանը: