Այս մարդիկ կամուրջ կլինեն քաղաքապետարանի և քաղաքացիների միջև,- այսպես է «Վրացական երազանքի» Թբիլիսիի քաղաքապետի թեկնածու Կախա Կալաձեն ներկայացրել «Վրացական երազանքի» Թբիլիսիի քաղաքապետարանի մեծամասնական թեկնածուներին տեղական ինքնակառավարման մարմինների ընտրություններում։

Նրա խոսքով՝ հենց այս թեկնածուներն են ապագայում պաշտպանելու բնակչության շահերը Թբիլիսիի քաղաքային խորհրդում և քաղաքապետարանում։

«Ես ձեզ կներկայացնեմ Թբիլիսիի քաղաքային խորհրդի մեծամասնական թեկնածուներին, որոնցից շատերին դուք արդեն լավ գիտեք, իսկ որոշները նոր դեմքեր են։ Իմ թբիլիսցի համաքաղաքացիներ, այս մարդիկ, ինձ հետ միասին, պատասխանատվություն են կրում Թբիլիսիի ներկայի և ապագայի համար։ Այս մարդիկ կպաշտպանեն ձեր շահերը քաղաքային խորհրդում և քաղաքապետարանում, ակտիվորեն կմասնակցեն օրենսդրական գործունեությանը՝ ձեր բարեկեցության և քաղաքի համար կարևոր նախագծերին աջակցելու համար, կամուրջ կլինեն քաղաքապետարանի և քաղաքացիների միջև։

Խաղաղություն Վրաստանին, ավելի շատ բարություն Թբիլիսիին։ Սա պարզապես խոստում չէ, սա գործով ապացուցված իրականություն է, որը պետք է պահպանվի և ամրապնդվի։ Մենք պատրաստ ենք արդարացնել ձեր վստահությունը և ավելի շատ բարություն բերել Թբիլիսի։ Մենք հավատում ենք ձեր աջակցությանը, մենք միասին կհաղթենք, քանի որ մեզ անհրաժեշտ է հաղթական Վրաստան», – ասաց Կախա Կալաձեն։

Վրացական երազանքի կողմից առաջադրված Թբիլիսիի քաղաքապետարանի մեծամասնական թեկնածուներն են՝

Մթածմինդայի շրջան՝ Զուրաբ Աբաշիձե

Վակեի շրջան՝ Ալեքսանդրե Ասաթիանի, Բեքա Գելենավա

Սաբուրթալո՝ Բեքա Միքաուտաձե, Արչիլ Նիժարաձե, Շալվա Պերանիձե

Կրծանիսի շրջան – Լևան Ջափարիձե

Իսանի շրջան – Կախաբեր Լաբուչիձե, Բեքա Մենթեշաշվիլի, Դավիթ Խաբեիշվիլի

Սամգորիի շրջան – Գիորգի Դոխթուրիշվիլի, Զաքարիա Ծիկլաուրի, Վաժա Կոկայա, Մամուկա Խաբարելի

Չուղուրեթի շրջան – Զուրաբ Չիկվիլաձե

Դիդուբեի շրջան – Գիվի Չխարտիշվիլի, Շոթա Քևխիշվիլի

Նաձալադևի շրջան – Իրակլի Բենդելիանի, Շալվա Մաիսուրաձե, Դավիթ Ճելիձե, Վալերիան Պապուաշվիլի

Գլդանի շրջան – Շալվա Օգբաիձե, Ցոտնե Չիկվինիձե, Միխեիլ Ռեխվիաշվիլի, Ջաբա Կողուա

Անձամբ Կախա Կալաձեին «Վրացական երազանք»-ը, հուլիսի 31-ին պաշտոնապես երրորդ անգամ առաջադրեց Թբիլիսիի քաղաքապետի թեկնածու։