Ես ցանկություն չունեմ խոսելու ընդդիմության ծրագրերի և թեկնածուների մասին, մենք խոսում ենք ժողովրդի հետ և մայրաքաղաքում իրականացնում ենք կոնկրետ նախագծեր,- այսպես է Թբիլիսիի քաղաքապետ Կախա Կալաձեն պատասխանել լրագրողի հարցին տեղական ինքնակառավարման մարմինների ընտրություններում ընդդիմության հավանական միասնական թեկնածուի մասին։

Նրա խոսքով՝ «Վրացական երազանքը» այն թիմն է, որն իրականում ունի ուժ՝ արժանապատվորեն արձագանքելու բոլոր մարտահրավերներին։

«Ես ցանկություն չունեմ խոսելու ընդդիմության և նրանց թեկնածուների ծրագրերի մասին։ Ես դրանով հետաքրքրված չեմ։ Մենք խոսում ենք մարդկանց հետ, մայրաքաղաքում իրականացնում ենք կոնկրետ նախագծեր։ Մենք շատ լավ բաներ ենք արել մեր գեղեցիկ Թբիլիսիի համար, բայց, իհարկե, կան լուրջ մարտահրավերներ, կան խնդիրներ, որոնք պետք է լուծվեն։ Թբիլիսին շատ հին քաղաք է՝ հին ենթակառուցվածքներով, հաղորդակցություններով, և այս ամենը պետք է հոգ տանել և կարգի բերել։ «Վրացական երազանք – ժողովրդավարական Վրաստանը» այն թիմն է, որն իրականում ունի ուժ՝ արժանապատվորեն արձագանքելու Թբիլիսիի հետ կապված բոլոր մարտահրավերներին և խնդիրներին», – ասել է Կախա Կալաձեն։