Վրաստանում Եվրամիության դեսպան Կառլ Հարցելը ասում է, որ իշխանության ու ընդդիմության ներկայացուցիչների միջև բանակցությունների հերթական փուլի ամսաթիվը դեռ հայտնի չէ:

«Վրացական երազանքի» ներկայացուցիչների հետ դիվանագետների հանդիպման և բանակցությունների հինգերորդ փուլի ժամկետի մասին հնչեցված հարցին Կառլ Հարցելը պատասխանել է, որ երեկվա զրույցը երկխոսության և հետագա քայլերի մասին էր, իսկ հաջորդ փուլի ամսաթիվն անհայտ է:

«Քննարկման հիմնական թեման երկխոսությունն ու հաջորդ քայլերն էին: Ես դեռ չգիտեմ ամսաթիվը, երբ խոսքը վերաբերում է հնարավոր հինգերորդ փուլին», – նշել է Կառլ Հարցելը:

Հարցին, թե հինգերորդ փուլի դուռը փակ է, ինչպես ասում է ընդդիմությունը, Կառլ Հարցելը ասաց, որ չի կարծում, որ ինչ-որ բան փակ է, բայց ժամանակն անցնում է և կարման սկսել է փակվել:

«Չեմ կարծում, որ ինչ-որ բան փակ է: Այդ պատճառով կարևոր է նայել ընդհանուր հիմքի ուղղությամբ: Միայն կարող եմ ասել, որ ժամանակն անցնում է, և կարման սկսում է փակվել: Բոլորը պետք է դա գիտակցեն», – հավելել է Կառլ Հարցելը: