Կառլ Հարցել. Նախագահ Միշելը կողմերին նոր առաջարկ է ներկայացրել, որը նա համարում է հավասարակշռված և իրատեսական, մի քանի կուսակցություններ ժամանակ են խնդրել խորհրդակցությունների համար, մենք սպասում ենք նրանց որոշմանը
Վրաստանում ԵՄ դեսպան Կառլ Հարցելի խոսքով, Եվրոպական խորհրդի նախագահ Շառլ Միշելը կողմերին նոր առաջարկ է արել:
Նրա խոսքով, նշված առաջարկը նախագահ Միշելը համարում է հավասարակշռված, ինչպես նաև իրատեսական:
Կառլ Հարցելի խոսքով, մի քանի կողմեր ժամանակ են խնդրել խորհրդակցությունների համար:
«Այսօր, օրվա առաջին կեսին, մենք համատեղ հայտարարություն տարածեցինք ԱՄՆ պետքարտուղարության և ԵՄ գերագույն ներկայացուցչի կողմից՝ ընդգծելով, թե ինչպես ԵՄ-ն, այնպես էլ ԱՄՆ-ը լուրջ են վերաբերվում իրավիճակին: Հայտարարության մեջ նշվում է նաև, որ նախագահ Միշելը պատրաստվում է այսօր նոր առաջարկություն ներկայացնել կողմերին: Դա արդեն տեղի է ունեցել այսօր և հրապարակվել է: Այս առաջարկը մեկն է, որը նախագահը համարում է և հավասարակշռված, և իրատեսական: Այս համաձայնագրի տեքստը փոխանցվեց բոլոր կողմերին՝ ինչպես «Վրացական երազանքին», այնպես էլ ընդդիմադիր կուսակցություններին:
Այս հանդիպումը կայանալուց առաջ մի քանի կուսակցություններ ժամանակ էին խնդրել խորհրդակցությունների համար՝ նոր առաջարկը քննարկելու համար, և մենք դա հաշվի առանք: Այսօրվա հանդիպումը համեմատաբար կարճ էր: Մենք սպասում ենք, որ կողմերը կվերադառնան` հայտարարելու Վրաստանում այս քաղաքական ճգնաժամը դադարեցնելու իրենց որոշման մասին», – ասաց Կառլ Հարցելը:
