Պաշտպանության նախարար Ջուանշեր Բուրճուլաձեն ծանոթացել է պաշտպանության ուժերի Արևմտյան հրամանատարության ենթակառուցվածքային նախագծերին։ Ջուանշեր Բուրճուլաձեն պաշտպանության ուժերի հրամանատարի և Արևմուտքի հրամանատարի հետ ուսումնասիրել է Քութաիսիում տեղակայված 3-րդ հետևակային բրիգադի տարածքում ավարտված ենթակառուցվածքային աշխատանքները։

3-րդ հետևակային բրիգադի տարածքում բացվել է ճաշարան, որը հիմնովին վերանորոգվել և համալրվել է անհրաժեշտ տեխնիկայով։ Վերականգնվել են ինժեներական հաղորդակցությունները, կազմակերպվել են ներքին ճանապարհներ։

Վերջին չորս տարում ենթակառուցվածքների նորացման ու շինարարության ուղղությամբ ծախսվել է շուրջ 360 մլն լարի, ինչը որակապես բարելավել է ենթակառուցվածքային օբյեկտների վիճակը։ 2024 թվականին այդ նպատակով պաշտպանական բյուջեում նախատեսվելու է 100 մլն լարի։ Միայն այս տարի կառուցվում է 20 օբյեկտ, վերանորոգվում է ավելի քան 50 օբյեկտ։